Ասմունքի մրցույթ` Մարտունիում - Yerkir.am լուրեր Հայաստանից և աշխարհից,

http://www.yerkir.am/am/news/4250.htm   

19:12 - 15.03.2011 

ԱՄՆ Խաղաղության կորպուսը, «Ամերիկյան խորհուրդներ» և «Բրիտանական խորհուրդ»կազմակերպությունների հայաստանյան գրասենյակների աջակցությամբ, համագործակցելով Հայաստանի անգլերեն լեզվի ուսուցիչների ասոցիացիայի հետ, արդեն երրորդ տարին է` ասմունքի դպրոցական մրցույթ է կազմակերպում Հայաստանում:

Մարտունիում կայացել է մրցույթի տարածաշրջանային փուլը` 6 հանրակրթարանների 6-11-րդ դասարանների աշակերտների մասնակցությամբ: Պատանի ասմունքողները հանդես են եկել հայերենով ու անգլերենով:

Մրցանակային տեղերը զբաղեցրած դպրոցականները պարգևատրվել են պատվոգրերով ու նվերներով:

Տարածաշրջանային փուլի հաղթողները մայիսի 8-ին Հրազդանում մասնակցելու են հանրապետական եզրափակիչ մրցափուլին:

Մրցույթի կազմկոմիտեի անդամ, ԽԿ կամավոր Պատրիկ Ֆինդլերի խոսքերով` իրենք նպատակ ունեն նպաստել երեխաների գեղագիտական դաստիարակությանը, ասմունքը ներկայացնել որպես ինքնաարտահայտման գործնական միջոց եւ հետաքրքրություն առաջացնել այլ ժողովուրդների մշակույթների նկատմամբ: